Kuv xaav nug mej cov pheej comment lu lug FOOB. Mej laam nug xib mej tsi paub lu lug ntawm nwg yog lug Nplog. Moob lu hu ua “xyuam phaaj nqeg ntim.”
Tug dlaab laug tsi tau sau ib dlaim ntawv hab muab ib qho nyaj moog xyuam phaaj Tooj Kub rua tug nom tug tswv twg. Tug dlaab laug tsuas xaa Tooj Kub qhov audio kws Tooj Kub thuam nwg tug quas puj moog rua Tooj Kub cov coj noog xib. Mej pheej has tas tug dlaab laug moog xyuam phaaj Tooj Kub rua koom hum, mej muab kom tau tim khawv saib tug dlaab laug muab nyaj pis tsawg hab dlaim ntawv xyuam phaaj yog dlaim twg lug post rua suav dlawg pum nawb. Yog tas mej tsi muaj tej tim khawv ntawm tes xob nug nug lawm.
Yog mej tsi tau paub txuj cai sib foob nua tes yim meem moog kawm kom paub txhaj tsim nyog mej yug lug ua Moob rua tam nuav nawb. Ua tuab neeg xob nug tej lug zoo le ntawd. Cov twm txhaj tsi paub tas yug yog hom tuab neeg twg. Yog leej twg yog tug tuab neeg zoo hab xaav paub qhov tseeb, mej tub paub peb, huas peb los yeej paub tas koj yog leej twg.
Yog koj yog ib tug tuab neeg nyob ntsuab ntsaab, xob comment thuam hab tuaj ib tug twg tog. Qhov teeb meem nuav tsi yog koj le, tsi yog Moob Xyooj hab Moob Vaaj le hab tsi yog Haiv Moob le. Yog leej twg ntse hab xaav paub qhov tseeb, hu sib nug, xob sau ntawv sib thuam. Tsaam sib pum, tsi zoo sib hu, vim peb naj nub sib ntsib.
Tooj Kub ob tug, ob nam txiv qhov teeb meem tub muab has xaus rua lub 4/29/23 ntawm lawm. Yog mej cov nug leej twg tseem tshuav cai yuav nrug tug nam Tooj Kub has hab koj yog tug yuav lug theej Tooj Kub lub txhoj, yeej koj yuav noj, swb koj ua tug them, tes koj le nug ntxiv. Huas yeej koj tsi tau noj, swb koj yuav tsi them nua tes xob nug ntxiv lawm.
