Lug Teb Rua Tsucheng Vang

Koj tug coj Xaiv Pheej ntawm koj has kos Tooj Kub tuab tsi leeg paub naj? Puas yog koj xyum dlaag le Tooj Kub hab lov? Nom Lwm, Koj, hab Tooj Kub mej peb tug nuav yeej coj tuab tug cwj pwm puas yog? 

Tug Tooj Kub leeg paub yog Xaiv Ntaj Vaj nyob qaum teb xwb. Koj paub Moob Kableg Kev Cai Zoo Taag Npaum es Koj ho moog pluj rua rooj teb twg lawm thaum tej teebmeem nuav tshwm sim? Qhov tseeb, Tooj Kub tuab tsi leeg paub koj ib yaam le Xaiv Pheej nwg txha le tsi hu meb ntaag. Caag taamsim nuav mas Tooj Kub paub meb zoo kawg le? Thaum tseem muaj teeb meem ces ua nais pws huv tsev, cov thawj coj muab dlaws taag tes tuaj tawm tsaam luas. Tawm tsaam koj tug thawj Vang Unity taag los tsi txaus tes tuaj tawm tsaam Tooj Kub cov neejtsaa hab tug thawj coj. Koj, puas yog ib tug thawj coj has ncaaj nceeg tag maj, Tswv Tsheej? 

 Has txug Rooj Mov Tseem Tsi tau Ua Nawv rua yog ua Rooj Neeb Khu Tsev Xwb. Thaum lub 5/21/22, Tooj Kub hab nwg ob tug coj yeej tau lug leeg Neejtsaa ib rooj mov tas neejtsaa has tau puab tug nkauj tug muam tsov qaab lawm, ua ib rooj mov ua kev txhawb zug.

Tom qaab ntawm, Tooj Kub yeej npaaj2 Tooj Kub rooj neeb lug ntxuv lawm tabsis taabtom hum nkaus rua lub sib hawm kws puab lug leeg ua rooj mov tes Tooj Kub txawm ca le has tas ua Rooj Mov Nrug Rooj Neeb hab. Tooj Kub tshuav ob nub rua peb nub xwb tes tuab ua rooj neeb lawm tes Tooj Kub laam hu cov neejtsaa kom txhob tu sab. Thaum cov Neejtsaa tas ua ze dhau hwv lawm es tuab muaj kev tawm nroog taag rua nub ntawd lawm puas kaam ncua dlua lwm lub sib hawm. Tooj Kub teb le caag, Oh! Tug Txiv Neeb mas tsi khoom le rua yog khoom tuab nub ntawd xwb. Yog le tsi muaj ib tug neejtsaa yuav moog koom tau mas Tooj Kub haj yam zoo sab. Tooj Kub puas caw koj mas Tswv Tsheej? Kuv ntseeg tas Tooj Kub yeej tsi hu koj tuab yaam nkaus hab mej tug thawj coj Xaiv Pheej vim nwg tuab tsi thwm meb le ne lub sibhawm ntawd. Tsi taag le nuav, Tooj Kub puas has ib lus lug zoo sab rua nwg tug nam tsev nyob rua nwg rooj neeb ntawm maj? No, Tooj Kub yeej tsi has ib lu le. Tsev neejtsaa mas nrug puab tug ntxhais tu sab tshaaj plawg kws tau ib tug vauv cis dlaag. Puas yog rooj mov cog lug ua kev zoo sab rua Tooj Kub tug namtsev? Tsi yog. Yog Tooj Kub Rooj Neeb xwb. 

Rooj mov cog lug yuav tsum yog le nuav txha le yog (ua txuj kev kawm). Ib lu tseem tseem ceeb cog tseg mas hu kua muaj Moob Vaaj cov coj hab Neejtsaa tuaj koom kom tau rooj mov. Yuav kom suavdlawg tuaj tau tsaw sab xaav mas, Tooj Kub yuav tau teem ib lub caij nyoog nrug rua cov neejtsaa hab Moob Vaaj cov coj ntawm kwvtij saib lub caij nyoog twg suavdlawg khoom mas nwg maam le npaaj. Thaum ua tau lawm cov coj ob tog tuaj taag maam le lug has ib cov lug thov txim rua yug tug namtsev kws tau nrug yug ua neej tshaaj le 30 xyoo tabsis yug tau muab tsim txom sab ntsws hab thuam ua lwj ua lam rua kwvtij neejtsaa noog es nwg lub sab txha le txag taag rua yug lawm hab lug leeg txim tas yaav nuav tom yuav tsi tshev tsi laam taug laam has tej lug tsi zoo ntxiv lawm. Kom tug nam tsev zaam txim pub yug xwb xwb. Tsi taag le nuav muaj ob tug nam tsev lawm mas yuav leeg tas yuav hlub ob leeg zoo ib yaam nkaus le tsi pub ib tug twg tu sab le. Maam le tso ob tug namtsev lug has ib leeg ob peb lus hab. Dhau le nuav mas kwvtij cov coj hab neejtsaa cov coj ib leeg lug has ib cov lug txhawb ob tug ob namtxiv tuab sis hab qha kev ua neej pub rua ob tug mas txha le yog rooj mov cog lug nawv. Qhov nuav yeej tsi tau muaj tshwm sim le. Tswv Tsheej, kev ua ib rooj mov Tooj Kub yeej paub zoo tas yuav ua le caag txha yog hab zoo. Caag tsi ua. Rooj Neeb xwb los muab dlaag tas yog rooj cog lug ua kev zoo sab rua nwg tug nam tsev nua maj. 

Thaum lub 4/29/23, Tooj Kub yeej has tas Tooj Kub tsi ua vim rua qhov Tooj Kub tau coj $1200 moog rua neejtsaa hab moog thov nwg tug nam tsev taag lawm. Tsi taag le nuav los pum nwg tug nam tsev tom ib lub funeral los nwg tuab moog thov (apologize) lawm hab.  Mas yog le nuav lawm es tseem yuav kom nwg moog thov pis tsawg zag hab?  

Kuv has rua Tooj Kub tas nwg yuam kev luj kawg nkaus rua nug tug quas puj nawv.  Thaum moog txug neejtsaa mas moog thov neejtsaa qhov yug coj neejtsaa tug ntxhais lug yuav laug quas tsug tsi xaav yuav lawm tes yug yuav muab tsim txom hab has phem le caag los tau mas cuag le tsi tub qaug leej twg le.  Yog le $1200 mas yog Tooj Kub zoo sab coj tuaj muag kev txaug kev txhum xwb (ncu ntsoov neejtsaa tsi tau ntaim).  Tsi tau yog qhov moog thov yug tug nam tsev zaam txim.  Nuav yog qhov Tooj Kub yuam kev. 

Tswv Tsheej, koj yog ib tug coj noj coj ua tabsis caag nub nuas koj moog txhawb ib tug neeg tsim txom quas puj mivnyuas has lug khaav txiv khaav theeb has dlaag ntau xwb. Koj tseem lug ua tug huam nab tawm tsaam koj tug thawj coj Vang Unity hab? Tawm tsaam koj tug thawj coj taag tsi txaus tes ho lug tawm tsaam Tooj Kub cov Neejtsaa tug thawj coj?  Tsev Neejtsaa Moob Xyooj hab koj tsev kwvtij Moob Vaaj  nrug koj txaaj muag dhau heev lawm los.  Koj muaj ib lub meejmom kws lug tuav Naisphoo Vajpov lub saamthaaj lawm tuav koj lub meejmom kom zoo nawv.  Txhob ca nrug Tooj Kub poob suab Poob Npe moog os.  Tug Tooj Kub nuav neej puag taag tes ua tsi tau le caag lawm.  Xaav ua phem xwb tsi xaav ua zoo.  Txhob moog xyum nrug nwg ua phem nawv.  

Taam sim nuav  caag koj yuav ca Tooj Kub lug siv koj ua phem?  Koj yog Tooj Kub tug txhaa nqaaj qaum taamsim nuav sov koj puas paub Tooj Kub zoo npaum le caag? Koj puas paub tas Tooj Kub ib tug ntxhais sau ntawv pes tsawg zag tuaj cheem (yog ib qhov zoo) Tooj Kub has txug nwg txiv dlaim video los Tooj Kub muab lwv taag le.  Txhua tug sau tuaj tawm tsaam Tooj Kub tes nwg tuab muab delete ua ntej koj hab suavdlawg pum lawm. Tuab Neeg Tsi ncaaj nceeg tes yog coj le nuav los mas.  Yug puam xeeb tso rua nplaj teb pum mas qhov phem qhov zoo yuav thuam yug qhua yug tso kom taag mev.  Nuav yog qhov proof ntawm tug ntxhais xaa tuaj es nwg muab delete lawm:

Caag Tooj Kub yuav ua tau rua tej mivnyuas Txaaj Muag rua teb rua chaw hwv lawm.  Koj has lug sawv cev Tooj Kub taag zug le, koj puas nrug Tooj Kub cov mivnyuas thaam tas puab xaav le caag rua puab txiv. Nuav yog dlaim video tug ntxhais lug has txug puab txiv txuj kev tsim txom lub cuab lub yig es ob tug lub neej txha le lug tawg rua lub 4/29/23.

Koj noog taag lawm koj xaav le caag? Koj puas xaav tas tug ntxhais cov lug ntawm tsi muaj ntau los tshaaj le 75% yeej muaj tseeb lawm.  Nwg nrug Tooj Kub nyob tau 24 xyoo es pum Tooj Kub tsim txom puab nam hab cov mivnyuas lub sab lub ntsws npaum le caag.  Tuab tsi yog nam hlub xwb nam yau los yeej maag tsim txom ib yaam. Yog le nuav koj hab kuv puas nrug Tooj Kub nyob ua ke es paub Tooj Kub npaum le nwg tug ntxhais paub maj?  Peb yeej tsi paub npaum le Nam Tooj Kub hab cov minvyuas nawv. Yog le mas qhov zoo yog qhov koj hab kuv yuav tau cheem kom Tooj Kub tig lug pum tej kev nwg ua txhum rua tej quas puj mivnyuas hab hloov nwg txuj kev phem lug rua qhov zoo xwb. Vim le caag es Tooj Kub ua phem npaum nua es Nom Lwm meb tseem pheej tsaa nwg tw ntxab ua luaj le? Yog meb tseem ua le nuav mas nwg haj yam muaj plhus nawv.  Cov coj Moob Vaaj huv Sacramento dhuav nwg txaus nkaus lawm tshuav meb lawm xwb.  Meb ob tug tseem txhawb kom Tooj Kub hajyam ua phem zujzug tuaj. Kev ua phem tsi zoo rua tug twg, tsi zoo rua meb, tsi zoo rua Tooj Kub, tsi zoo rua tsev Moob Vaag hab Moob Xyooj huv si. Mas neejtsaa thov cheem meb especially koj nawv, Tswv Tsheej, koj yog ib tug paub taab ntawm tsev Moob Vaaj.  Taamsim nuav tsev Moob Vaaj tseem tuab tsi thwm Tooj Kub tas yog puab tug kwvtij lawm.  Koj txhob tog kom txug nub kws kwvtij Moob Vaaj tug twg los tsi leeg paub koj lawm hab maam le tso tseg.  Thaum ntawd ntshai yuav lig dhau heev lawm.  Peb saab neejtsaa thov cheem koj thaum tsoom Moob tsi tau paub coob nawv.  Txhob ca koj lub meejmom poob nrug tug Tooj Kub/Suav Vaaj  nuav moog. Dlhau ntawm, koj has tas txhob ca ib lub quav tsuag puag taag ib tsoom Moob. Koj yuav tau xaav zoo. Koj tsi tseg tes, koj yuav yog lub quav tsuag ua puag taag ib tsoom Moob txuj kev ua zoo.